19-20 маусымда Ұлыбританияда Grand Prix IBSA парадзюдо жарыстары өтті. Қазақстаннан жарысқа он екі спортшы қатысты, олардың үшеуі жүлдегер атанды.
Grand Prix IBSA — Токио 2020 жазғы Паралимпиада ойындарының алдындағы парадзюдо бойынша соңғы біліктілік жарысы. Жарысқа әлемнің 20 елінен 130 спортшы қатысты.
Аманжол Жанбота 90 келіге дейінгі салмақ дәрежесінде «күміс» медальді иеленді, 81 келіге дейінгі салмақ дәрежесінде Смағұлұлы Ғалымжан қола жүлдегер атанды. Сондай-ақ, құрамасының қоржынына «қола» медальді Даяна Федосова әкелді.
Келесі аптада рейтингтік балдардың қорытындысы бойынша Токио-2020 Паралимпиадалық ойындарына лицензиялар анықталады.
0
