Құжаттар 7 шілдеге дейін қабылданады.
Нұр-Сұлтан қаласында көпбалалы отбасыларға арналған пәтерлерге өтініштер қабылдау басталды, деп хабарлайды «Көпбалалы отбасыларға сатып алу құқығынсыз тұрғын үйді жалға беру» тұрғын үй бағдарламасының сайты.
Мұндай баспанаға кезекте тұрған көпбалалы отбасыларға ғана өтініш бере алады. Құжаттарды қабылдау бүгін 27 маусымда басталды.
Бағдарламаға «Көп балалы отбасылар» санатындағы тұрғын үй кезегінде тұрған көп балалы отбасылар қатыса алады. Бағдарламаға қатысуға өтінімді кезекте тұрғандар кезек жылына қарамастан бере алады (2006-2021 жж.). Алайда кезекте басқалардан ұзағырақ тұрғандар бірінші кезекте баспанаға ілігеді.
Шарт 5 жылға жасалады, оны шексіз ұзартуға болады.
Егер көп балалы отбасы басқа санаттағы тұрғын үй кезегінде тұрса, бұл отбасы өтініш бере алмайды.
Сатып алу құқығынсыз жалдамалы тұрғын үй алғаннан кейін, отбасы кезектен шығарылады.
Құжаттарды қабылдау 2021 жылғы 27 маусымнан бастап 7 шілдеге дейін тек электронды түрде жүзеге асырылады.
Өтініш беру үшін келесі құжаттар ұсынылуы керек:
• ЭСҚ кілті;
• барлық отбасы мүшелері үшін Қазақстан Республикасында жылжымайтын мүліктің жоқтығы немесе бар екендігі туралы анықтаманың сканерленген нұсқасы;
• балалардың туу туралы куәліктерінің сканерленген нұсқасы / отбасы мүшелерінің жеке куәлігі (бар болса);
• неке қию / ажырасу / әке болуды анықтау туралы куәліктің сканерленген нұсқасы / №4 форма / қайтыс болу туралы куәлік (бар болса);
• жылжымайтын мүлікке құқық белгілейтін құжаттардың сканерленген нұсқасы (бар болса);
• мүгедектік туралы куәліктің сканерленген нұсқасы (бар болса);
• созылмалы аурудың толық атауын, жеке бөлме мен белгілі бір қабатты талап ететін (бар болса) көрсетуді талап ететін созылмалы аурудың медициналық қорытындысының сканерленген нұсқасы.
