Ақтөбеде балаларға арналған автоқалашық ашылды.
Ағымдағы жылдың бес айында Ақтөбе облысында балалардың қатысуымен 27 жол-көлік оқиғасы орын алып, нәтижесінде бір бала қаза тауып, 22 бала түрлі дене жарақаттарын алды. Жүргізілген талдау ЖКО-ның негізгі себептері жол қозғалысының жас қатысушыларының ЖҚЕ білмеуі себебінен жолдағы қарапайым қауіпсіздік шараларын сақтамауы болып табылатынын көрсетті. Атап айтқанда, көлік құралдарына артықшылық бермеу, жолды кесіп өту және белгіленбеген жерлерде ойнау.
Осыған байланысты Ақтөбе облысы Полиция Департаменті Жол-техникалық инспекция бөлімінің қызметкерлері Қазақстан Республикасының Ішкі істер министрлігі Ақтөбе заң институтының «көлік объектілерінде қауіпсіздікті ұйымдастыру» кафедрасымен және Ақтөбе қаласының әкімдігімен бірлесіп, Қазақстан Республикасының Тұңғыш Президенті атындағы саябақ аумағында бүгін жаяу жүргінші болып табылатын, ал ертең көлік құралдарының жүргізушісі болатын қаланың жас тұрғындары үшін «Автоқалашық» жобасын іске асырды.
Бұл жобаның негізгі мақсаты балаларды ерте жастан бастап жол қозғалысы ережелеріне үйрету болып табылады.
«Автоқалашыққа» барлық қала тұрғындары мен қонақтары өз балаларымен кез келген ыңғайлы уақытта келіп, ЖҚЕ саласындағы білімдерін тексере алады. Сонымен қатар, осы жобаны жүзеге асыруға үлкен үлес қосқан Ақтөбе қаласының әкімдігіне алғысымызды білдіреміз», – деді ПД әкімшілік полиция басқармасы бөлімінің бастығы Еркін Өтеген.
