Сондай-ақ, жұмыспен қамту орталығында мүгедектігі бар жандар, зейнеткерлер мен көп балалы аналарға арналған жұмыспен қамту бағдарламалары туралы айтылды.
ЖОО-ны бітіргеннен кейін үш жыл ішінде мамандығы бойынша жұмыс таба алмаған 29 жасқа дейінгі жастар «Еңбек» бағдарламасы бойынша жұмысқа орналаса алады. Бұл туралы Алматы әкімдігінде өткен онлайн-брифингте айтылды.
«Еңбек» бағдарламасы аясында жақсы бағыт бар — «жастар тәжірибесі» бағдарламасы. Көбінесе жұмыс берушілер тәжірибесі бар адамдарды жұмысқа алуға тырысады. «Жастар тәжірибесі» бастапқы тәжірибені алуға өте жақсы мүмкіндік береді. Біз қазір қабылдау жүргізіп жатырмыз. Жоғары оқу орнын бітіргеннен кейін үш жыл бойы өз мамандығы бойынша жұмысқа орналаса алмаған жас балалар жұмыспен қамту орталығына жүгіне алады», – деп атап өтті Алматы халықты жұмыспен қамту орталығының директоры Диляра Иманқұлова.
Оның айтуынша, бұл бағдарлама бойынша жалақы – 25 АЕК, алайда Алматы қымбат азық – түлік себеті бар ірі мегаполис болғандықтан, 1 қаңтардан бастап жалақы 35 АЕК-ке дейін көтерілген.
Алматы қаласының әлеуметтік әл-ауқат басқармасы басшысының орынбасары Данияр Әлкебайұлы биыл 13 мыңнан астам адамды жұмыспен қамту жоспарланып отырғанын айтты.
«Балалар үшін бұл өз еңбекке қабілеттілігін көрсетудің жақсы мүмкіндігі. Жұмыс берушілер жұмыс істеуге ниет білдірген балаларды үлкен ықыласпен қабылдайды», — деп қосты Иманқұлова.
Сондай-ақ, жұмыспен қамту орталығында зейнеткерлерді, 1, 2 және 3 топтағы мүгедектігі бар жандар және көп балалы аналарды жұмысқа орналастыру бойынша бағдарламалар жұмыс істейтінін еске салды.
«Тұрақты жұмыс орындарына мүгедектігі бар адамдар түрлі салаларға жұмысқа орналасады. Бізде барлық дерлік ұйымдарда мүгедектігі бар адамдарды міндетті түрде қабылдау бойынша квота бар. Бізде көру қабілеті бұзылған адамдар үшін жұмыс орындарын құруға дайын он шақты ұйым бар», – деп атап өтті жұмыспен қамту орталығының директоры.
Сондай-ақ, спикерлер қалада 1000 адам өз бизнесін ашуға 200 АЕК көлемінде гранттар алғанын атап өтті.
Жұмысқа орналасу мүмкіндіктері туралы толық ақпаратты Алматы қаласының жұмыспен қамту орталығының ресми сайтынан алуға болады.
