Таразда Елорда күнін мерекелеу қарсаңында кезекте тұрған 90 адамға жаңа пәтерлердің кілттері табысталды. «Нұрлы жер» бағдарламасы аясында «Бәйтерек» шағын ауданында 15 пәтерлі алты үй салынды.
Мердігер мекеме — «Бином»ЖШС.
Жамбыл облысы әкімінің баспасөз қызметінің мәліметінше, бақытты қоныс иелерінің қатарында көпбалалы және аз қамтылған отбасылар, ерекше қажеттіліктері бар адамдар.
Оларға пәтер кілтін Жамбыл облысының әкімі Бердібек Сапарбаев салтанатты түрде табыс етті.
Халықты тұрғын үймен қамтамасыз ету мемлекеттік саясаттың басым бағыттарының бірі болып табылады. 30 мыңнан астам жамбылдықтар тұрғын үй алу кезегінде тұр. Мемлекет басшысының тапсырмасына сәйкес бірінші кезекте көп балалы және аз қамтылған отбасылар, қажеттіліктері шектеулі адамдар пәтер алады, — деді облыс әкімі. — Тұрғын үй мәселесін шешу үшін біз жергілікті кәсіпорындардың мүмкіндіктерін де пайдаланамыз және мүмкіндігінше көп тұрғын үй салуға ниеттіміз. «Асарлатып үй салу» жобасы өз жемісін беруде. Өткен жылы 99 отбасы ауылдастары тұрғызған үйлерді сыйға алды. Биыл 134 үйдің құрылысы басталды. Өңірде «Бақытты отбасы», «Шаңырақ» бағдарламалары белсенді іске асырылуда.
Аймақ басшысы қала тұрғындарын санитарлық-эпидемиологиялық талаптарды қатаң сақтауға, өз денсаулығын сақтауға шақырды және вакцинацияның толық курсы ғана инфекциядан қорғаудың жалғыз тәсілі екенін еске салды.
Бердібек Сапарбаев өз сөзінің соңында жаңа қоныстанушыларды қос мереке — Астана күнімен және пәтер алуымен құттықтап, бейбітшілік, келісім және амандық тіледі.
Бірінші топтағы мүгедектігі бар жан, көп балалы ана сағатқұл Кенжебекова осы бақытты күнді 14 жыл күтті.
Бүгінгі күн біздің отбасымыз үшін ең маңызды күн болды. Балаларға жаңа аудан өте ұнады. Мұндай сәттерде сіз мемлекеттің нақты қамқорлығын сезінесіз, — дейді ол.
Алты баланың анасы Жанар Абитова да қуаныштың көз жасын баса алмайды.
Бірнеше жыл бойы бізге тұрғын үйді жалға алуға тура келді. Енді біздің басымызда өз шатырымыз бар. Бөлмелер жарық, кең. Қолдау көрсеткендеріңіз үшін мемлекетке үлкен рахмет, — деді ол.
Айта кету керек, Жамбыл облысында ел президенті Қасым-Жомарт Тоқаевтың тапсырмаларына сәйкес өмір сапасын арттыруға бағытталған бағдарламалар жүзеге асырылуда. Ағымдағы жылы 4482 пәтерлік 76 тұрғын үйдің құрылысы жүргізілуде, жыл соңына дейін 2902 пәтерлік 50 тұрғын үй пайдалануға беріледі. Бес айдың қорытындысы бойынша 204,3 мың шаршы метр тұрғын үй пайдалануға берілді, бұл өткен жылдың деңгейінен 6,8 пайызға артық. Жыл соңына дейін 651 мың шаршы метр тұрғын үйді пайдалануға беру жоспарланып отыр.
