Еңбек және халықты әлеуметтік қорғау министрлігі «Еңбек ресурстарын дамыту орталығы» АҚ-мен бірлесіп, skills.enbek.kz қысқа мерзімді онлайн курстары арқылы оқыту порталын іске қосты.
Бұл туралы министрліктің баспасөз қызметі хабарлады.
Қазірдің өзінде 70 авторлар мен онлайн-курстардың әзірлеушілері қызығушылық танытқан азаматтарға өздерінің оқу бағдарламаларын ұсынуға дайын.
Портал — нарық алаңы (қызмет көрсету нарығы) бойынша онлайн-курстарға қол жеткізуді қамтамасыз ететін халықаралық оқыту платформаларының қазақстандық нұсқасы. Ресурс жалпы елдегі халықтың білім деңгейі мен кәсібилігін арттыру, мансаптық өсуге ынталандыру және «өмір бойы білім алу» тұжырымдамасын насихаттау мақсатында жасалған.
Іске қосылған сәттен қазақстандық авторлар мен әзірлеушілер аспаздық және кулинарлық бизнес, косметикалық, заңгерлік және бухгалтерлік қызметтер, құрылыс, қонақ үй және мейрамхана бизнесі, кеңсе жұмысы, IT, SMM салаларындағы курстар ұсынады.
Кез келген азамат https://skills.enbek.kz тікелей сілтемесі арқылы немесе enbek.kz электронды еңбек биржасында «Онлайн оқытуды» таңдау арқылы талап етілетін біліктілік немесе біліктілікті арттыру курстарында оқуға қол жеткізе алады.
Курстардың авторлары мен әзірлеушілері — қазақстандық заңды тұлғалар мен жеке кәсіпкерлер, оның ішінде оқу орталықтары, білім беру ұйымдары да бар. Олар қазірдің өзінде курстарды орналастыру үшін ақысыз платформаны ұсынуда, онлайн-оқытудың дамуына ықпал етуде және қосымша табыс көзін алуда порталдың артықшылықтарын көріп отыр.
Жаңадан кіріскен авторлар мен әзірлеушілер үшін порталда онлайн-курстар мен оларға қойылатын талаптарды құруға арналған дайын нұсқаулық орналастырылған.
