Ирландиялық аралас жекпе-жек спортшысы Конор Макгрегор мүгедектігі бар жандар арбасында жұдырықтасады, — деп хабарлайды SPORTbible порталы.
Конор Макгрегор UFC-дің бұрынғы чемпионы Дастин Порьеға қарсы жекпе-жектің бірінші раундында аяғы сынғаннан кейін бүгінде ептеп сауығуда. Спортшы ирландиялық мүгедектігі бар жандар арбасындағы бокс қауымдастығына ақша жинауға арналған қайырымдылық акциясында ирландиялық әзілкеш Эль Форанмен шаршы алаңда кездеспек.
Турнирді ұйымдастырушы – мүгедектігі бар жандар арбасындағы әзілкеш Стиво Тимоти, әзілкеш те шараның басты оқиғасындағы жекпе-жекке қатысады. Бокс кеші 11 қыркүйекте Ирландияда өтеді.
Тимоти өзінің Twitter -дегі ресми жазбасында жұптың рингте жұдырықтасатынын растады.
Макгрегордың жаттықтырушысы Джон Кавана тілші Лоро Санкомен алдағы жекпе -жек туралы сұхбаттасты.
«Конор өз еркімен пародист Эль Форан есімді жігітпен жұдырықтасатын үлкен іс -шараға қатысады», — деді ол.
Аралас стильдегі (ММА) Конор Макгрегор мен Дастин Порье арасындағы жекпе -жек 11 шілдеде Лос -Анджелесте өтті. Жекпе-жек бір раундқа созылды. Алғашқы бес минуттың соңында Макгрегор сүрініп, табанын сындырды. Осыдан кейін Макгрегор Пуаремен жекпе -жекке дейін аяғын жарақаттағанын хабарлады.
