Денсаулық сақтау министрлігі «Міндетті әлеуметтік медициналық сақтандыру туралы» заңға өзгертулер дайындады.
Өздігінен жарна төлеушілер 2025 жылдың 1 қаңтарына дейін республикалық бюджет туралы заңда ағымдағы қаржы жылына белгіленген ең төменгі жалақының 5 пайызы мөлшерінде төлем күнінің алдындағы он екі ай ішінде қорға жарна төлейді, он екі ай бойы міндетті әлеуметтік медициналық сақтандыру жүйесінде медициналық көмек алуға құқылы — делінген құжатта.
Осылайша тіркелмеген жұмыссыздарға, өзін-өзі жұмыспен қамтыған адамдарға сақтандыру мәртебесін беру тәсілін өзгерту ұсынылады.
Денсаулық сақтау министрлігінің мәліметінше, міндетті медициналық сақтандыруды енгізудің бастапқы кезеңінде өзін-өзі жұмыспен қамтығандар үшін келешек кезеңдерге міндетті медициналық сақтандыруға жарналарды төлеу ең тиімді жолы болып табылады.
Осылайша 3 жыл ішінде сақтандыру мәртебесін алу үшін жарналарды 12 айға алдын ала төлеуді енгізу ұсынылады, ол 25,5 мың теңге, содан кейін ай сайын 2125 теңге болады.
Осылайша міндетті медициналық сақтандыру жүйесіне кіру және медициналық көмек алу шарттары қолданыстағы нормамен салыстырғанда жақсарады — мұнда адам көмек сұрамаған бұрынғы 12 айдағы қарызды төлеу қажет. Бұл жұмыссыздар немесе өзін-өзі жұмыспен қамтығандардың бір бөлігіне сақтандыру мәртебесін беру мәселесін, сондай-ақ міндетті медициналық сақтандыру жүйесінің қаржылық тұрақтылығы мәселесін шешуге мүмкіндік береді, деп хабарлайды Денсаулық сақтау министрлігі.
Құжат 13 тамызға дейін ашық талқылау үшін «Открытые НПА» веб-сайтында жарияланды.
