Әлеуметтік әмиян Қазақстанда пилоттық режимде осы жылдың соңында іске қосылады.
Ведомствода цифрлық әлеуметтік әмиянның пилоттық нұсқасы 2021 жылдың желтоқсан айында енгізілетінін түсіндірді. 2022 жылдан бастап жәрдемақылар мен әлеуметтік төлемдерді электрондық ақша түрінде кезең-кезеңімен аудару жоспарлануда.
Сондай-ақ, сауда министрлігі жоба аясында Ұлттық Банктің электронды ақшасы арнайы әмияндарға жіберілетінін хабарлады. Электронды әмиянның өзі қазақстандықтың ЖСН базасында құрылатын болады. Шоттағы қаражат банктер/коллекторлар/салық органдары тарапынан өндіріп алудан қорғалатын болады.
Ақшаны басқару үшін электрондық ақшаны алушыны қашықтықтан сәйкестендіру мүмкіндігі бар сервис – әлеуметтік кабинет (мобильді қосымша/вебсайт) әзірленетін болады. Осы кабинеттің көмегімен қаржылай қолдау алушы қаражатты тауарлар мен қызметтерге ақы төлеу үшін пайдалана алады.
«Әлеуметтік әмиянды енгізу белгілі бір тауарларды/қызметтерді қолма-қол ақшамен алуға және сатып алуға ешқандай шектеулерді білдірмейді», – деп түсіндірді министрлік.
Ведомство әлеуметтік әмиян енгізілгеннен кейін азаматтарға төлемдер мен жәрдемақыларды қайда есептеу керектігін таңдау мүмкіндігі беріледі: әмиянға электрондық ақшамен немесе әдеттегі тәсілмен банк картасына.
Бұған дейін хабарланғандай, Қазақстанда «цифрлық әмиянды» енгізу есебінен өнімдердің кейбір түрлерінің құнын 45% — ға төмендету жоспарланып отыр.
