Америкалық ғалымдар көліктердің ауаны ластауы және деменцияның жоғары қаупі арасындағы байланысты тапқан.
Зерттеушілер тәжірибе барасында аталық және аналық егеуқұйрықтарды 14 ай бойы тазартылған немесе ауасы ластанған ортада ұстаған.
Мамандар жабайы типтегі жануарларды да, Альцгеймер ауруының дамуына ықпал ететін гендері бар және адамның ДНК-сына ұқсас гендері бар жануарларды да қолданған. Деменцияның, оның ішінде невропатологиялық өзгерістер мен мінез-құлық ауытқуларының мүмкін болатын көріністерін бағалау үшін кеміргіштер 3, 6, 10 және 15 ай бойы сынаққа алынған.
Автокөлік қозғалысына байланысты ластану қауіпті ген дами түскен жануарларда ғана емес, жабайы типтегі егеуқұйрықтарда да Альцгеймер ауруының биомаркерлерін күшейткен.
Ауаның сапасыздығы егде жаста деменцияның дамуына ықпал етуі мүмкін және әлемде Альцгеймер ауруы неліктен көбейіп жатқанының себебі болуы мүмкін дейді ғалымдар.
