2021 жылғы 24 тамыз бен 5 қыркүйек аралығында Токио – 2020 XVI жазғы Паралимпиада ойындары өтеді, онда Қазақстанның намысын спорттың 7 түрі бойынша 25 паралимпиадашы қорғайтын болады.
«Токио — 2020 Паралимпиадалық ойындары қарсаңында «Қазақстанның Паралимпиадалық спортын қолдаймыз» челленджі басталды. Челлендждің мақсаты-спортшылардың спорттық рухын қолдау, Қазақстанда паралимпиадалық қозғалысты насихаттау және Токио – 2020 Паралимпиадалық ойындарына кең аудиторияның қызығушылығын ояту. Өйткені бірде-бір оқиға ерекше физикалық қажеттіліктері бар адамдардың әлеуметтік интеграциясын ілгерілетуге және Паралимпиадалық ойындар сияқты қоғамды қайта құруға соншалықты күшті әсер етпейді.
Рио-2016 Паралимпиада ойындарынан кейін елімізде параспортпен айналысқысы келетіндердің саны артты, өңірлерде мүгедектігі бар адамдарға арналған жаңа спорт мектептері ашылды және елордада ультразаманауи паралимпиадалық жаттығу орталығы салынды, онда мүмкіндігі шектеулі адамдар арнайы спорт мүкәммалдары мен спорт секцияларында тегін айналыса алады.
Барлық қазақстандықтарды осы челлендж қатысушысы болуға және паралимпиадашыларымызға сәттілік тілеуге шақырамыз!»,- делінген Паралимпиада комитетінің хабарламасында.
Қатысу үшін біздің паралимпиадашыларға қолдау сөздерімен бейнеөтініштерді түсіріп, әлеуметтік желілерде орналастыру, НПК @kazparalympics ресми аккаунтын белгілеу және #teamkz, #kazparalympics және #parateamkz хэштегін қою қажет.
Челленджді бірінші болып қоғам қайраткерлері, блогерлер, Қазақстанның әншілері мен актерлері Нұрлан Қоянбаев, Аружан Саин, Мақпал Исабекова, Мөлдір Әуелбекова, Бейбіт Қорған, Ерлан Көкеев, Бақыт Сыздықова және басқа да мүмкіндігі шектеулі жандардың тең құқықтарын қамтамасыз етуге қатысты белсенді азаматтық ұстанымы бар адамдар қолдады.
