Мемлекет Басшысының Жолдауын іске асыру аясында үшінші бағыт бойынша Ұлттық экономика министрлігі 12 іс-шараны іске асырады. Бұл туралы ведомство басшысы Әсет Ирғалиев мәлімдеді.
«Білім туралы» Заңға үлгілік оқу жоспарларын алып тастау бөлігінде өзгерістер енгізілетін болады. Мұғалімдерді 3 жылда бір рет қайта оқытуды ұйымдастыру жоспарлануда», — деді Әсет Ерғалиев Үкімет отырысында. Оның айтуынша, қашықтықтан оқыту форматтары үшін ақпараттық жүйелердің сапасын арттыру жалғасады, сондай-ақ «Цифрлық мұғалім» жобасы іске асырылады. «Дарынды балалар мен оларды тәрбиелеген педагогтарға жан-жақты қолдау көрсетілетін болады. Халықаралық пән олимпиадаларының жүлдегерлеріне гранттар, біржолғы ақшалай сыйлықтар беру көзделіп отыр. Мектептердегі орын жетіспеушілігі мәселесін шешу үшін 2025 жылға дейін кемінде 1 мың мектеп салу жоспарланған», — деді министр. «Жас талап» жобасы аясында сұранысқа ие мамандықтар бойынша тегін техникалық және кәсіптік біліммен толық қамтуды қамтамасыз ету жоспарлануда», — деп түйіндеді А.Ерғалиев. Бұған дейін хабарланғандай, педагогтың кәсіби даму моделі Қазақстанда құрылатын болады. Мемлекет Басшысы Қасым-Жомарт Тоқаев мұғалімдерді бес жылда емес, үш жылда бір рет қайта даярлауды ұсынды.
