Электрондық үкіметтің мобильді қосымшасында атаулы әлеуметтік көмек алушыларға ыңғайлы болу үшін жаңа құжат қосу функциясы пайда болды.
Сервис өзімен бірге құжаттың түпнұсқасы жоқ адамдарға пайдалы. Оны көрсету үшін электрондық үкімет қосымшасында авторлану қажет.
АӘК алушының құжаты eGov mobile қосымшасының «цифрлық құжаттар» бөлімінде болады. АӘК алушы QR-кодтың көмегімен оған қол жеткізе алады, бұл құжатты сұратушы тарапқа оның түпнұсқалығына көз жеткізуге көмектеседі.
Естеріңізге сала кетейік, бүгінгі таңда eGov mobile қосымшасында жеке куәлік, жүргізуші куәлігі, диплом, студенттік билет және т.б. сияқты 18 цифрлық құжат қолжетімді, электрондық үкімет қосымшасын Google Play, AppGallery, AppStore-дан жүктеуге болады.
0
