Мүгедектігі бар балаларға арналған жәрдемақы көбейеді. Бұл туралы ҚР Еңбек және халықты әлеуметтік қорғау вице-министрі Ерлан Әукенов хабарлады.
«Баланың денсаулығы мен мүгедектігінің дәрежесін ескере отырып, заң 7 жастан 16 жасқа дейінгі балаларды мүгедектік топтарына қарай бөлуді қарастырады. Бұл шара мемлекет көрсететін оңалту шаралары мен әлеуметтік көмекті саралауға мүмкіндік береді», — деді Ерлан Әукенов ОКҚ брифингінде.
Бірінші және екінші топтағы мүгедектігі бар балалардың ауруларының ауырлығына байланысты жәрдемақы мөлшері де артады. Біздің бағалау бойынша 37%-ға дейін, яғни 65 мың теңге — бірінші топ, 54 мың теңге — екінші топ», — деп қорытындылады спикер.
Бұған дейін Еңбек министрлігінің өкілі мүгедектігі бар жандарға жәрдемақы төлеуге жоспарланған өзгерістер туралы айтқан болатын.
«Азаматтардың жекелеген санаттарын әлеуметтік қорғау мәселелері бойынша» Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заң Сенат, Мәжіліс жұмыс тобы мүшелерінің ұсыныстары негізінде, мәселелерді шешу мәселелері бойынша Үйлестіру кеңесі, мүгедектігі бар жандар мен ҚР Үкіметі, сондай-ақ жұртшылық пен сарапшылар қауымдастығының ұсыныстары бар», — деді вице-министр.
Сонымен қатар I топтағы мүгедектігі бар жандарға күтім жасайтын адамдар айына 48 мың теңге алатынын айтты.
