Digital Bridge халықаралық технологиялық форумында сөйлеген сөзінде Қазақстан Республикасының Сауда және интеграция министрі Бақыт Сұлтанов цифрлық «әлеуметтік әмияны» жобасын жүзеге асыру туралы айтты.
Министр атап өткендей, «әлеуметтік әмиян» әлеуметтік төлемдерді есептеу рәсімдерін жеңілдетеді, әлеуметтік қолдау процестерін жетілдіреді, сондай-ақ бюджет шығыстарын оңтайландыруға мүмкіндік береді.
Сондай-ақ Бақыт Сұлтанов ЖСН негізінде құрылатын азаматтар үшін «әлеуметтік әмиянның» ашылуы және тауарлардың төлемі өтініш арқылы қалай жүзеге асырылатыны туралы айтты.
Осылайша тиісті әлеуметтік төлемдерді жасалған кезде активация болатынын айтты.
Сонымен қатар қосымшада азамат QR-код арқылы төлем төлей алады немесе таңдаған банкі арқылы әлеуметтік төлемдерді қолма-қол ақшаға аудара алады. Ал өнімдерді төлеу үшін «әлеуметтік әмиянды» пайдаланатын азамат қосымшаға кіріп, «QR төлемі» опциясын таңдауы керек.
Осыдан кейін сатушы QR коды бар pos терминалын береді, сатып алушы осы QR кодын қосымшадан сканерлейді және төлемді растайды.
Осылайша тауарлар мен қызметтер үшін төлем бірыңғай QR коды арқылы қабылданатын болады.
«Әлеуметтік әмиян» пилоттық жобасы ағымдағы жылдың желтоқсан айында іске қосылады деп жоспарлануда.
Бұған дейін электронды ақшаны «әлеуметтік әмиянға» есептеу тәртібі анықталғаны хабарланған болатын.
