Қарағанды облысының Жаңаарқа кентінде Жаңа Нұр шағын ауданындағы жиырма көп балалы отбасыға жаңа үйдің кілті табысталды. Олардың көпшілігі бұл оқиғаны он жылдан астам уақыт күтті.
«Кілттерді табыстау рәсімі ел Тәуелсіздігінің 30 жылдығына орайластырылған. Бұл жаңа қоныстанушылар үшін ғана емес, жалпы біздің аудан үшін де маңызды оқиға. Тұрғын үй «Нұрлы жер» бағдарламасы аясында салынды. Жаңа үйлерде береке мен бақыт тілейміз!»- Жаңаарқа ауданының әкімі Юржан Бекқожин жаңа қоныс иелерін құттықтады.
Жұлдыз Төлегенова күйеуімен бірге төрт бала тәрбиелеп отыр. Бастауыш сынып мұғалімі тұрғын үй кезегінде он жыл тұрды. Осы жылдар ішінде отбасы пәтер жалдап тұрды. Ай сайын отбасылық бюджеттен тұрғын үйді жалға алуға 50 мың теңге жұмсалды.
«Жалдамалы пәтерлерде тұрып, жайлылық жасау мүмкін емес, өйткені кез-келген уақытта үй иесі сізден кетуді сұрауы мүмкін. Осы жылдар ішінде біз өз пәтер аламыз деп күттік және сендік. Бізге үш бөлмелі үй берілді. Ол жөндеумен. Бізге бәрі ұнайды. Біз көшуге дайындалып жатырмыз», — деді Жұлдыз.
Қазақ тілі мен әдебиеті пәнінің мұғалімі Аққу Әкімбекова да өз кезегін он жылдан астам күтті. Ол жалғыз төрт баланы тәрбиелеп отыр.
«Мен жаңа үй үшін өте ризамын, өйткені бұл біздің балалармен арманымыз. Біз бір орыннан екінші орынға ауысудан шаршадық. Енді бәрі басқаша болады. Менің балаларым бақытты», — деп бөлісті Аққу.
Жаңаарқа ауданында тұрғын үй кезегінде барлығы 840 адам тұр. Оның 133-і «көп балалы отбасылар» санаты бойынша. Жыл соңына дейін ауданда тағы 12 отбасы қоныс тойын тойлауы тиіс.
