Іріктеуден өткен жастар арасында 800 пәтер бөлінеді.
Елорда әкімдігінің тұрғын үй қорының сайтында «жұмыс істейтін жастар үшін сатып алу құқығынсыз жалға берілетін тұрғын үй» бағдарламасы бойынша іріктеуден өткендердің тізімі жарияланды.
Іріктеу қорытындысы бойынша үш тізім жасалды:
Іріктеуден өткен (ең төменгі шекті балл – 20);
Резерв;
Іріктеуден өтпеген;
Қалалық құрылыс басқармасының мәліметінше, биыл 800 пәтер бөлінеді. Нысандар келесі мекенжайлар бойынша орналасқан:
КТК Кенесары және Сембинов көшелерінің қиылысы ауданында — 213 пәтер, оның ішінде 144 бір бөлмелі (жалпы ауданы – 40-49,5 м2, 69 екі бөлмелі (56,7-58,7 м2).
МТК Абылай хан, Момышұлы және Қошқарбаев даңғылдарының қиылысы ауданында-587 пәтер, оның ішінде 378 бір бөлмелі (40,0-48,8 м2), 209 екі бөлмелі (55,9-57,5 м2).
Өтінім берген қатысушылар арасында іріктеу балдық жүйе бойынша жүргізілді, пәтерлер өтініш берушінің отбасы құрамына және жинаған балдарына сәйкес бөлінеді.
Бағдарламаның барлық қатысушылары «іріктеуден өтті», «Резерв» немесе «бас тартылды» деген мәтіні бар SMS-хабарлама алады. Қоныстандыру уақыты мен күні, бағдарлама бойынша іріктеуден өткен пәтердің мекенжайы қосымша хабарланады. Толық ақпарат кейінірек порталдағы өтініш берушінің Жеке кабинетінде орналастырылатын болады qatysu.zhilfond.kz.
