Шымкентте мүгедектігі бар жандар медициналық комиссияның қорытындысын алу үшін ұзын-сонар кезекке тұруға мәжбүр.
Жергілікті еңбек басқармасына күн сайын жүздеген адам келуде. Жағдайды басқармада электронды кезектің жоқтығы қиындатып отыр.
«Барлық құжаттарымды ауыстырдым. Менің күш-қуатым да, жүйкем де қалмады, екінші ай болды тіпті зейнетақымды да, дәрі-дәрмектерімді де ала алмай жүрмін», — дейді қала тұрғыны.
Кезек енді қолмен жазылып берілуде. Осының салдарынан ғимаратқа көп адам жиналуда. Барлығына орын жеткіліксіз. Күнделікті күйзеліс кезінде адамдар шағымданады, жиі біреу ауырып қалады.
Шенеуніктер кадр тапшылығымен және келушілердің көптігімен ақталады. Сонымен қатар, бұрын құжаттарды онлайн тәртіпте рәсімдеу мүмкін болса, қазір Шымкент «жасыл» аймақта — бұл функция енді жұмыс істемейді.
«Себебі Шымкент қараша айында «жасыл» аймаққа енді. Бас санитарлық дәрігердің бұйрығымен енді мемлекеттік қызмет көрсете алмаймыз.
Неліктен?
Өйткені Шымкент «жасыл» аймаққа енді!
Бас дәрігердің жарлығында бұлай айтылмаса керек — онлайн жұмыс істеуге тыйым салынған ба?
Жоқ, онда бәрі пайыздық түрде жазылған», — деп жауап берді Еңбек, әлеуметтік қорғау және көші-қон комитетінің Шымкент қаласы бойынша департаментінің басшысы Сарым Шоланов.
