Ақтөбеде мүмкіндігі шектеулі жандарға арналған ірі спорт кешенінің құрылысы басталды. Бұл туралы РСК брифингінде дене шынықтыру және спорт басқармасының басшысы Евгений Гончаров айтты.
«Ағымдағы жылы мүмкіндігі шектеулі тұлғаларға арналған үлкен спорт кешенінің құрылысы басталды, онда бассейн, үлкен ойын залы, үстел теннисі, күрес залы жұмыс істейді. Жеңіл атлетика стадионы болады, онда спортпен айналысуға жағдай жасалады. Қазақстанда мұндай екі нысан бар», — деді ол.
Е.Гончаровтың айтуынша, ағымдағы жылы өңірде 7 спорт нысаны, оның ішінде Ойыл, Шұбарши, Кеңқияқ ауылдарында 3 ДСК, Ақжар, Көктау ауылдарында спорт кешендері, «Самұрық — Траст» АҚ қаражаты есебінен Ембі қаласындағы спорт кешені салынды.
Жыл басында Ақтөбеде шаңғы-роллер базасы ашылды, онда 11 шақырым шаңғы трассасы, оның ішінде 2,5 шақырым асфальтталған трассалар орналасқан.
«Ақтөбеде шаңғы-роллерлік база ашылды, онда спортшылар жыл бойы шұғылдана алады. Қыста олар шаңғымен, жазда роллермен айналысады. Сонымен қатар, Тұңғыш Президент атындағы саябақтың оңтүстік бөлігінде триатлон паркі өз жұмысын бастады», — дейді Е.Гончаров.
Алдағы жоспарда — бірқатар спорт кешендерін салу, оның ішінде бұрын басталған 4 ауыспалы нысан бар, үстел теннисі орталығының құрылысы басталды.
