«Қазақстан Республикасының ұлттық паралимпиадалық комитеті» (ҰПК) үкіметтік емес ұйымы Нұр-сұлтан қаласындағы мүгедектігі бар балаларға инватакси қызметін көрсететінін хабарлайды.
Нұр-сұлтан қаласында тұратын және мүгедектігі бар жандарға арналған арбада жүретін 18 жасқа дейінгі мүгедектгі бар балалар инватаксиге тапсырыс бере алады. Балаларды тасымалдау кезінде ата-аналары (қамқоршылары) немесе баланы алып жүруге уәкілетті адамдары еріп жүруі керек.
Тасымалдау Қазақстан Республикасы көлік және коммуникация министрінің м.а. 2013 жылғы 1 қарашадағы № 859 бұйрығымен Мүгедектігі бар жандарды таксимен алып жүру ережелеріне сәйкес жүзеге асырылады.
Инватаксиге оқу орындарына, жергілікті уәкілетті және атқарушы органдар; сот, прокуратура; әлеуметтік нысандар; заңгер кеңесі; нотариус; медициналық мекемелерге (шұғыл/жедел медициналық көмек жағдайларын қоспағанда) бару үшін тапсырыс беруге болады;
Қызметті алу үшін келесі құжаттарды Нұр-сұлтан қаласы, Ақшоқы көшесі, 2 мекенжайы бойынша ҰПК кеңсесіне тапсыру қажет:
1) өтініш;
2) жеке басын куәландыратын құжат (салыстырып тексеру үшін көшірме және түпнұсқа);
3) 035-1/у нысанындағы дәрігерлік-консультациялық комиссияның қорытындысы;
4) медициналық-әлеуметтік сараптама жүргізу қағидаларына 12-қосымшаға сәйкес нысан бойынша мүгедектігі туралы анықтама (салыстырып тексеру үшін көшірме және түпнұсқа);
5) оңалтудың жеке бағдарламасының сертификаты (ИПР).
Құжаттарды қабылдау жұмыс күндері сағат 14.00-18.00 аралығында жүргізіледі.
Инватакси қызметіне өтінім мына телефондар бойынша қабылданады: 8 701 212 21 15, 8 7172 79 27 00.
Өызмет көрсетуге өтінімдер жұмыс күндері сағат 9.00-ден 13.00-ге дейін қабылданады.
Тапсырыс беру кезінде сіз келесі деректерді көрсетуіңіз керек: толық аты-жөні, баратын күні мен уақыты, баратын жердің нақты мекенжайы, клиентпен байланысу үшін телефон нөмірі, басқа да қосымша ақпарат (жолаушылар саны, багаждың көлемі мен жағдайы, келу уақыты/ пойыздың, автобустың, ұшақтың және т.б.) жүру уақыты).
