Төрт дүкен әкімшілік айыппұл төлесе, тағы төртеуі ескерту алды.
Елордада әлеуметтік маңызы бар өнімдердің бағасына жүргізілген мониторинг барысында рұқсат етілген нормадан жоғары баға белгілеген сегіз кәсіпкерлік субъектісі анықталды, деп хабарлайды Нұр-Сұлтан әкімдігінің ресми сайты.
Кінәлілер жауапқа тартылды. Бағаны негізсіз өсірген төрт дүкен әкімшілік айыппұл төлейді: «Элит ет» (Қонаева, 14), «Алтай» (Сырым батыр), Тілендиев, 36, «Жастар» сауда үйі (Кравцова, 6). Тағы төрт кәсіпкерлік субъектісіне ескерту берілді.
Нұр-Сұлтан қаласының әкімдігі міндетті түрде тексерілуге жататын сауда нысандарының тізімін жасады. Мұндай шаралар нарықтағы жағдайды жүйелі талдауға және бағаның өсуін тежеу бойынша дер кезінде шаралар қабылдауға мүмкіндік береді. Баға негізсіз өскен жағдайда кәсіпкерлерге барынша қатаң шаралар қолданылатын болады, деп атап өтті әкімдік.
Әлеуметтік маңызы бар азық-түлік тауарларының бағасын тежеу үшін «айналмалы механизм» аясында 2020-2021 жылдарға кәсіпкерлік субъектілеріне 8,6 млрд теңге бөлініп, осы сомаға 30 мың тоннадан астам азық-түлік тауарларына келісім-шарт жасалды.
Әлеуметтік маңызы бар өнімдер бағасының өсуі туралы ақпаратты мына телефондар арқылы білуге болады:
• 8 (7172) 55 68 99, 55 69 78, 55 68 08 – Нұр-Сұлтан қаласының әкімдігі
• 8 (7172) 75 04 65, 74 27 38, 65 16 86, 8 (778) 668 18 41, 8 (775) 592 61 69, 8 (701) 800 39 38, 846 A (740) бәсекелестікті қорғау және дамыту үшін.
