ҚР Білім және ғылым министрі 2022 жылғы 12 қаңтардағы бұйрығымен Білім беру ұйымдарындағы психологиялық-педагогикалық қолдау Ережелерін бекітті.
Сонымен, психологиялық-педагогикалық қолдау мыналарды қамтиды:
ерекше білім беру қажеттіліктері бар адамдардың (балалардың) ерекше білім беру қажеттіліктерін анықтау және бағалау;
педагогтерге және ерекше білім берілуіне қажеттілігі бар адамдардың (балалардың) отбасына консультациялық-әдістемелік көмек;
ерекше білім берілуіне қажеттілігі бар адамдарды (балаларды) табысты оқыту, дамыту және әлеуметтендіру үшін әлеуметтік-психологиялық және педагогикалық жағдайлар жасау.
Мектепке дейінгі, бастауыш, негізгі орта, жалпы орта білім беру деңгейлерінде психологиялық-педагогикалық сүйемелдеуді білім беру ұйымдарының педагогтері мен мамандары жүзеге асырады.
Атап өтілгендей, мүмкіндігі шектеулі балаларды психологиялық-педагогикалық сүйемелдеуді тәрбиешілер/педагогтар сабақ барысында, сондай-ақ арнайы білім беру қажеттіліктері мен психологиялық-медициналық-педагогикалық консультациялардың ұсынымдарын бағалау негізінде жеке, топтық және кіші топтық сабақтарды ұйымдастыру кезінде арнайы педагогтер, психологтар, әлеуметтік педагогтер, педагог-ассистенттер жүзеге асырады.
Психологиялық-педагогикалық сүйемелдеу адамдардың (балалардың) білім алу қажеттіліктерін бағалау негізінде жүзеге асырылады.:
мінез-құлық және эмоционалдық проблемалары, қолайсыз психологиялық факторлары (отбасындағы тәрбиенің бұзылуы, бала-ата-ана және отбасы ішіндегі қатынастар);
әлеуметтік-психологиялық, экономикалық, тілдік, мәдени сипаттағы кедергілері бар (әлеуметтік қауіпті отбасылардан шыққан балалардың педагогикалық қараусыздығы, қоғамда бейімделу қиындықтары бар балалар (босқындар, көшіп-қонушылар, қандастар отбасылары);
даму мүмкіндіктері шектеулі (есту, көру, интеллект, сөйлеу, тірек-қимыл аппараты бұзылған, психикалық дамуы тежелген және эмоционалды-ерік бұзылулары бар).
Құжат 2022 жылғы 31 қаңтардан бастап қолданысқа енгізіледі.
