Төрт санат бойынша кезекте тұрған барлық қазақстандықтар мемлекет қолдауына үміткер бола алады.
Ал:
— 1 және 2-топтағы мүгедектігі бар адамдар;
— мүмкіндігі шектеулі балаларды тәрбиелеп отырған отбасылар;
— жетім балалар;
— көп балалы отбасылар.
Субсидиялауға үміткер порталда тіркелуі тиіс otbasybank.kz («Баспана маркет» маркетплейсі). Мұны ЭЦҚ көмегімен жасауға болады. Сондықтан азаматтарға оны алдын ала алу немесе қолданыстағы электрондық цифрлық қолтаңбаның өзектілігін тексеру қажет.
Порталда тіркелгеннен кейін субсидиялауға үміткер өзіне төлемдер тағайындауға үлгі өтінішті толтырады және қолайлы пәтер немесе үй табады. Жалдау шарты порталда автоматты режимде үлгілік нысан бойынша жасалады. Оған платформада субсидиялауға үміткер (жалға алушы) және жалға беруші қол қояды.
Жеке куәліктер, неке қию немесе некені бұзу туралы куәліктер, балалардың туу туралы куәліктері, тұрғын үйдің болуы немесе болмауы туралы анықтамалар, тіркелуі және табысы туралы мәліметтер сияқты басқа да құжаттарды «Отбасы банк» мемлекеттік органдардың деректер базасымен интеграциялау есебінен дербес тексереді. Субсидиялауға үміткер туралы барлық деректерді тексергеннен кейін біз шот ашуға көмектесеміз. Оған өтініш беруші жалдау құнының жартысын аударуы керек. Осыдан кейін «Отбасы банк» қалған 50 пайызды қосады және жалпы 100 пайыз мөлшеріндегі соманы біз жалға берушінің шотына аударамыз, – деп түсіндірді «Отбасы банкінің» Басқарма Төрайымы Ләззат Ибрагимова.
Жалға берілетін тұрғын үйді қазақстандық отбасылар өздері іздейтін болады. Оның құнын есептеу кезінде бірнеше факторларды ескеру қажет. Олар жеке тұрғын үй қорынан жалға алынған тұрғын үй үшін азаматтардың жекелеген санаттарына төлем тағайындау және төлеу ережелерінде көрсетілген. Оларға сәйкес, тұрғын үйді жалға алудың 1 ш.м. бағасы жыл сайынғы АЕК деңгейі және облыстың немесе қаланың белгілі бір коэффициенті негізінде қалыптастырылған.
Сондай-ақ, ережелер жалға алынған үйдің немесе пәтердің шекті мөлшерін анықтайды. 1-3 адамнан тұратын отбасы үшін тұрғын үй алаңы 40 шаршы метрден аспауы тиіс, 4-5 адамнан тұратын отбасы үшін – 60 шаршы метрден артық емес, 6 және одан да көп адамнан тұратын отбасы үшін – 80 шаршы метрден артық емес.
Мысалы, Алматы тұрғындары үшін тұрғын үйдің 1 шаршы метрінің құны 2759 теңге деңгейінде анықталды. Тиісінше, үш адамнан тұратын отбасы құны 110 мың теңге болатын жалға берілетін тұрғын үй таба алады.
«Отбасы банк» тұрғын үйді жалдау бойынша субсидияларды жалдау шартының қолданылу мерзімі ішінде ай сайын төлейтін болады. Оны мерзімінен бұрын бұзуға және жаңа Жалға берушімен келісім жасасуға болады. Содан кейін порталда өтініш беру процесі otbasybank.kz қайтадан басталады.
«Отбасы банк» субсидия алушылардың шарттарға сәйкестігіне жыл сайын мониторинг жүргізеді және ай сайын төлем тәртібіне мониторинг жүргізеді. Ал жергілікті әкімдіктер тоқсанына кемінде бір рет жалға берілетін тұрғын үйлерді және онда тұратындарды тексереді.
Жеке тұрғын үй қорынан жалға алынған тұрғын үй үшін азаматтардың жекелеген санаттарына төлемдер тағайындау және төлеу қағидалары жақын туыстарынан, бұрынғы ерлі-зайыптылардан және ерлі-зайыптылардың туыстарынан тұрғын үйді жалға алуға, сондай-ақ осы тұрғын үйді қайта беруге тыйым салады.
Естеріңізге сала кетейік, соңғы 6 айда жалға алу бойынша субсидия алуға үміткер отбасылардың жиынтық табысының мөлшері отбасының әрбір мүшесіне бір ең төменгі күнкөріс деңгейінен аспауы тиіс (1 ПМ=36 018 теңге).
