Көп балалы аналармен кездесуде Алматы әкімі Ерболат Досаев 1-4 сынып оқушыларын ыстық тамақпен қамтамасыз ету туралы айтты.
Ерболат Досаев Мемлекет басшысының тапсырмасына сәйкес балалар жылы аясында әкімдік қажетті жұмыс жүргізгенін хабарлады. «2022 жылдың 1 қыркүйегінен бастап Алматы мемлекеттік мектептерінің барлық бастауыш сынып оқушылары (1-4 сыныптар) әлеуметтік мәртебесіне қарамастан тегін ыстық тамақпен қамтамасыз етіледі», — делінген қала әкімдігінің хабарламасында.
Әкімнің айтуынша, балаларды сапалы тамақтандыруды ұйымдастыру үшін білім басқармасы теңгерімді және әр түрлі рационды құру мәселесін пысықтады.
«Қаржыландыру мәселесі жергілікті бюджетті нақтылау шеңберінде 4 наурызда мәслихатпен қаралады» — деп мәлімдеді Досаев.
Сонымен қатар, Алматы әкімі 2022 жылы мектептерде 15 461 орынға және балабақшаларда 39 520 орынға дейін тапшылықты төмендету күтілетінін атап өтті.
«Алматыда мектептер мен балабақшаларды салуға бос жерлер жетіспейді, ал құрылыс қарқыны тек жыл сайынғы өсімді жабуға мүмкіндік береді, — деп түйіндеді қала басшысы.
