Қалалық жастар саясаты мәселелері басқармасы Байқоңыр ауданының аумағында орналасқан кезекті жастарға қызмет көрсету орталығын ашты.
Жастарға қызмет көрсету орталығында 14-29 жас аралығындағы азаматтар келесі мәселелер бойынша кеңес ала алады:
— Кәсіптік бағдарлау және жұмысқа орналастыру;
— Волонтерлерді қабылдау;
— Тұрғын үй бойынша Мемлекеттік бағдарламалар;
— Жастар бастамаларын қолдау (бизнес ашу, іс-шаралар ұйымдастыру, жобаларды қолдау);
— Тегін бос уақыт (спорттық секциялар және шығармашылық үйірмелер).
«Жастар саясаты мәселелері басқармасы жұмысының негізгі бағыттары-біздің жастарға жан-жақты қолдау көрсету, консультативтік көмек көрсету. Осыған орай, Нұр-Сұлтан қаласының әкімі Алтай Сейдірұлы Көлгіновтің тапсырмасы мен қолдауымен бүгін біз жастарға қызмет көрсету орталығын ашып отырмыз. Мұндай орталықтар біздің жастарымыздың оларды қолдау үшін қандай бағдарламалар мен жобалар іске асырылып жатқанын білуі үшін қажет. Бұл бағытта біздің орталықта «Астана жастары» орталығының, халықты жұмыспен қамту орталығының және «Отбасы банк» АҚ қызметкерлері тікелей жұмыс істейтін болады. Барлық сұрақтар бойынша жастар күн сайын дүйсенбіден жұмаға дейін таңғы 9-дан кешкі 6-ға дейін кеңес ала алады. Консультативтік көмек барынша көрсетіледі»,-деді Нұр-Сұлтан қаласы Жастар саясаты мәселелері басқармасының басшысы Қайрат Қамбаров.
«Біз»Биг Шанхай» базарында тұрмыз, мұнда өзің-өзі жұмыспен қамтыған жастар көп, олардың банкке барып, кезекте тұруға мүмкіндіктері жоқ. Сондықтан жастарға қызмет көрсету орталығының ашылуының арқасында олардың мұнда келуге, кеңес алуға, депозиттік шот ашуға, тұрғын үй сатып алу жөнінде кеңес алуға тамаша мүмкіндігі бар. Сондай — ақ, біз сол жерде несие өтінімдерін қабылдай аламыз және осы жерде олар пәтер кілтін ала алады деп айтуға болады», — деп атап өтті «Отбасы Банк» АҚ көшбасшысы, консультанты Рымкүл Ишмухамедова.
Нұр-Сұлтан қаласы әкімдігінің халықты жұмыспен қамту орталығының директоры Азамат Байтасовтың айтуынша, орталықта кәсіби бағдар беру бойынша қызмет көрсетіліп қана қоймай, өз ісін ашуға гранттар ұсынады.
«Біз мамандығы жоқ адамдарды қайта даярлау курстарына жібереміз. Олар тегін, оқу мерзімі – үш ай. Содан кейін жастарға жұмысқа орналасуға мүмкіндік беретін мемлекеттік сертификат беріледі. Оқу кезінде оларға ай сайын 21 700 теңге көлемінде стипендия беріледі. Сонымен қатар, бастауыш кәсіпкерлер «Бастау бизнес» бағдарламасы аясында 1 миллион 225 мың теңге көлемінде грант ала алады», — деді Азамат Байтасов.
Айта кетейік, жастарға қызмет көрсету орталықтары елорданың барлық аудандарында жұмыс істейді.
