Мемлекеттік қордан тұрғын үй алуға кезекке қою ережелеріне түзетулер енгізілді. Атап айтқанда, олар I және II топтағы мүгедектігі бар балалары бар немесе оларды тәрбиелеп отырған отбасыларға қатысты.
Жаңа ережелерге сәйкес, олар бала 18 жасқа толғаннан кейін бұрынғындай есептен шығарылмайды. Кезектілік тұрғын үй алғанға дейін сақталады. Түзетулер 25 Наурызда бекітілді және 2022 жылғы 9 сәуірден бастап заңды күшіне енеді.
Сондай-ақ, мемлекеттік тұрғын үй қорынан немесе әкімдіктер жалға алған жеке қордан тұрғын үй алуға үміткер бола алады:
ҰОС ардагерлері және оларға теңестірілгендер.
Басқа мемлекеттер аумағындағы ұрыс қимылдарының ардагерлері.
I және II топтағы мүгедектігі бар адамдар.
Мүгедектігі бар балалары бар немесе оларды тәрбиелеп отырғандар.
Денсаулық сақтау саласындағы уәкілетті орган бекіткен аурулар тізімінде аталған кейбір созылмалы аурулардың ауыр түрлерімен ауыратын адамдар.
Жасы бойынша зейнеткерлер.
Жетім балалар және ата-анасының қамқорлығынсыз қалған, 29 жасқа толмаған, кәмелетке толғанға дейін ата-анасынан айырылған балалар.
Кандасы.
Экологиялық зілзалалар, табиғи және техногендік сипаттағы ТЖ салдарынан тұрғын үйінен айырылған адамдар.
«Алтын алқа», «Күміс алқа» алқаларымен марапатталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар.
Көпбалалы отбасылар.
Мемлекеттік немесе қоғамдық міндеттерді, әскери қызметті орындау, ғарыш кеңістігіне ұшуды дайындау немесе жүзеге асыру, адам өмірін құтқару, құқық тәртібін қорғау кезінде қаза тапқан адамдардың отбасылары.
Толық емес отбасылар.
