Қарағандылық зағип және көру қабілеті нашар балаларды өнер туындыларымен таныстыру – осындай мақсатты «Дара» қайырымдылық қоры Қарағанды облыстық бейнелеу өнері мұражайымен бірлесіп алға қойған.
Халықаралық балаларды қорғау күнінде «Әлемді ашу: Қазақстан мұражайларында қолжетімді орта құру» жобасы таныстырылды.
Мұражайда арнайы ауызша сипаттама (аудио сипаттама) және тактильді модельдер көмегімен ерекше білім беруді қажет ететін балалар 27-ге жуық өнер туындысын үйренді.
Рельефтік көлемдегі төрт тактильді модельді қарағандылық суретші Виктор Арент жасаған.
Қазақ және орыс тілдерінде дыбысталған экспонаттар Қазақстанның, Ресейдің бейнелеу өнерін, сондай-ақ қуғын-сүргінге ұшыраған суретшілердің шығармашылығын көрсетеді. Аудио тректердің жалпы саны — 54.
Аудио сипаттаманы жазуға кәсіби спикерлерден басқа Қарағанды облысынан белгілі жерлестер мен өнер қайраткерлері, шақырылған достары, демеушілер мен «Дара» қорының серіктестері тартылды.
Жоба аясында экспонаттардың қолжетімділігі бойынша зағип мамандар тартылды. Мұражай қызметкерлері зағип және көру қабілеті нашар келушілермен жұмыс істеуге үйретілді.