ҚР Еңбек және халықты әлеуметтік қорғау министрлігі Қазақстандағы зейнетақының орташа мөлшерін атады.
Еңбек министрлігінің мәліметінше, 1 маусымдағы жағдай бойынша қазақстандықтарға 1,2 триллион теңгеден астам зейнетақы төленген. 2022 жылғы мамырда зейнетақы төлемдеріне республикалық бюджеттен 235,4 млрд теңге бөлінді, оның 71,3 млрд теңгесі базалық зейнетақыға, 163,2 млрд теңгесі ынтымақты зейнетақыға төленді.
«2022 жылғы 1 маусымдағы жағдай бойынша зейнеткерлердің саны 2 миллион 246 мың адамды құрады. 2022 жылғы 1 маусымдағы жағдай бойынша орташа зейнетақы төлемдері (базалық зейнетақы төлемін қоса алғанда) 105 189 теңгені құрады», — делінген хабарламада.
Еске салайық, мамырда зейнетақы төлемдерінің орташа мөлшері базалық зейнетақы төлемін есепке алғанда 105 193 теңгені құрады.
