Елордада Children Paralympic Games инклюзивті спорт фестивалі өтті.
Екі күн ішінде 700-ден астам ерекше спортшы голбол, каратэ, таеквондо, дзюдо, бейімделген футбол, инклюзивті хореография, жүзу және жеңіл атлетика бойынша турнирлерге қатысты. Спорт алаңдарының әрқайсысында жарыстар диагноздар бойынша жіктемеге және «тең мүмкіндіктер» қағидатына сәйкес өткізілді.
Фестивальмен қатар Қазақстанның мүгедектігі бар жандар спорты тарихында тұңғыш рет боччеден республика чемпионаты өтті, оның қатысушылары тірек-қимыл аппаратының ауыр зақымдануы бар балалар мен жасөспірімдер болды. Ұйымдастырушылар атап өткендей, чемпионаттың мақсаты — Паралимпиада ойындарында әлемдік аренада одан әрі ілгерілеу үшін үздік спортшыны анықтау.
0
