Ерекше білім берілуіне қажеттілігі бар балалардың жалпы санының 175 мыңнан астамы арнайы жағдайлар жасауды қажет етеді.
«Олардың ішінде 7 мыңнан астам ерте жастағы балалар, 54 мыңнан астамы-мектеп жасына дейінгі балалар, 97 мыңнан астамы – мектеп жасындағы балалар, 14 990 – жасөспірімдер бар», — деп арнайы және инклюзивті білім беруді дамытудың ұлттық ғылыми-практикалық орталығының директоры Әйгерім Кудеринова ҚР Білім және ғылым министрлігінің аппараттық кеңесінде хабарлады.
Оның мәліметінше, 140 мыңға жуық бала білім және тәрбиемен қамтылған. 14 мыңнан астам мектеп жасына дейінгі балалар кәдімгі балабақшаларға, 9,8 мыңы – арнайы балабақшалар мен топтарға барады. 44 мың оқушы қарапайым мектептерде, 24 мың оқушы арнайы мектептер мен сыныптарда оқиды. Колледждерде мүгедектігі бар 2100 студент, үйде – 18 327 бала оқиды.
Статистика бойынша Қазақстанда 0-ден 18 жасқа дейінгі 6,5 млн-ға жуық бала тұрады. Бұл халықтың жалпы санының 33% — ға жуығы, ол 19 млн 122 мың адамды құрайды.
