Елордадағы ауылшаруашылық жәрмеңкелерінің орны «Хан Шатыр» сауда үйінің жанындағы алаңнан «Барыс-Арена» мұз сарайына қарама-қарсы аумаққа ауысты.
Елордада демалыс күндері өтетін апта сайынғы ауыл шаруашылығы жәрмеңкесі басталды. 2 шілдеде Нұр-Сұлтандық кәсіпкерлер өз өнімдерін ұсынды. Елордаға жақын аймақтар – Қарағанды, Павлодар, Солтүстік Қазақстан облыстарының кәсіпкерлері де қатысты.
Кәсіпкерлердің айтуынша, өнім тез сатып алынады, ал бағасы нарықтағы бағадан 10-15 пайызға төмен. Бұл ретте ауыл шаруашылығы тауарын өндірушілердің негізгі бөлігі бірнеше жылдан бері жәрмеңкелерге қатысып келеді.
Биылғы жылы тұрғындардың көптеген өтініштеріне байланысты ауылшаруашылық жәрмеңкелерін өткізу орны «Хан Шатыр» сауда үйінің жанындағы алаңнан «Барыс Арена» мұз сарайына қарама-қарсы аумаққа ауысты.
