Нұр-Сұлтан қаласы әкімдігінің қаулысымен 2022 жылы мүгедектігі бар адамдарды жұмысқа орналастыру үшін қала ұйымдарында жұмыс орындарына квоталар жұмыскерлердің тізімдік санының 2-ден 4%-ға дейінгі мөлшерде белгіленген.
Белгіленген квота бойынша 915 жұмыс берушіде 6686 жұмыс орны бар.
«Жыл басынан бері елордада жұмыспен қамтуға жәрдемдесу шараларымен 450 мүгедектігі бар адам қамтылды, оның ішінде тұрақты жұмысқа — 174, жастар тәжірибесіне — бес, әлеуметтік жұмыс орындарына – бес, қоғамдық жұмыстарға – 255, бірінші жұмыс орнына – үш және «Күміс жас» жобасы бойынша — бір адам орналастырылды. Қысқа мерзімді курстарға жеті адам жіберілді», — делінген хабарламада.
«Электрондық еңбек биржасы» (www.enbek.kz) интернет-порталында мүгедектігі бар жандарды жұмысқа орналастыру бойынша 467 бос жұмыс орнына 116 хабарландыру орналастырылған.
