Алматыда жоғалып кеткен 48 жастағы мүгедектігі бар адамды полиция мен еріктілер төртінші күн іздестіріп жатыр.
Жоғалған азаматтың туыстарының айтуынша, ер адам 15 шілде күні сағат 22.00-де Сейфуллин мен Әйтеке би қиылысында орналасқан үйден шығып кетіп, содан бері оралмаған.
«Ол анасынан темекі шегуге сұранып, жоғалып кетті. Үйден жалғыз жібермейтін едік. Ол психиатриялық стационарда есепте тұрады, екінші топтағы мүгедектігі бар. Темекі көп шегетін кездері болады, кейде тоқтаусыз шеге береді. Есірткі шеккендей, зейінін жинақтай алмайды, бағдарын жоғалтады, кейде есте сақтау қабілеті нашарлайды. Ол өзінің мекен-жайын білмеді, өйткені ол Оралда тұрды, тек өткен жылдың соңында біз оны Алматыға әкелдік. Үйден тек біздің қадағалауымызбен шығатын. Жоғалғаны туралы дереу полицияға және еріктілерге хабарланды. Полициядан әзірге ақпарат болған жоқ, бірақ жақында маған «Қоғам» ұйымының еріктілері хабарласып, MEGA Park-тегі күзетші оны кеше сағат 13.00-де көргенін хабарлады», — деді жоғалған адамның әпкесі Эльмира Жұминова.
Ер адам хаки түсті жеңіл жейде, көк шалбар және қара аяқ киім киген. Ер адамның жүрген жері туралы мәлімет білетін адамдардан еріктілерге +7 702 712 79 22 нөмеріне хабарласуды сұраймыз.
