Ерекше балалардың ата-аналары тегін алғашқы медициналық көмек көрсету курсын аяқтады.
Тренингті Нұр-Сұлтан қалалық жедел жәрдем станциясының оқу-симуляция орталығының нұсқаушылары жүргізді.
– Дүниежүзілік денсаулық сақтау ұйымының мәліметтері бойынша өлімнің ең жиі кездесетін себептері жүрек-қан тамырлары аурулары болып табылады. Сіз жаныңыздағы адам жүрек ауруына шағымдана бастаған, содан кейін құлап, есінен танып қалған жағдайға тап бола аласыз. Бұл жерде адамдар не істерін білмей дүрбелеңге түседі, бірақ бұл минуттар адамды құтқаруға барлық мүмкіндік бар алтын уақыт. Біз өз курсымызда жедел жәрдем келгенге дейін осындай жағдайларда өзін-өзі дұрыс ұстауды, кеуде қуысына компрессия жүргізуді, өкпені жасанды желдетуді, автоматты сыртқы дефибрилляторды пайдалануды үйретеміз, құрылғылар қазір әуежайда, сауда орталықтарында бар.
Сондай-ақ шұғыл көмек көрсетуді қажет ететін басқа жағдайларда, мысалы, жоғарғы тыныс жолдарына бөгде зат түскенде қалай әрекет ету керектігін де үйретеміз, – дейді жедел жәрдем бригадасының дәрігері, Америка кардиологиялық қауымдастықтың нұсқаушысы Шохан Мырзабаев.
«Бақытты шаңырақ» қорының ерекше балаларын тәрбиелеп отырған ата-аналар алғашқы медициналық көмек көрсету дағдыларымен танысты. Теориялық курстан кейін манекендерге сығымдау жаттығулары арқылы білімдерін бекітті.
«Олар бұл курсқа қатысуға ұсыныс жасағанда, мен ойланбастан келістім», — дейді медициналық шеберлік сыныбының қатысушысы Гүзел Жұмабаева өз әсерімен бөліседі.
– Менің ерекше балам бар, ондай адамдар, өкінішке орай, түрлі дертке өте бейім, әрқашан сақ болуыңыз керек. Мұнда алынған ақпарат өте қызықты. Ал дағдылар пайдалы, кенеттен біреуге көмектесе алатын жағдай туындайды.
