Елордада Түркістан облысы тауар өндірушілерінің ауыл шаруашылығы жәрмеңкесі өтіп жатыр. Қала тұрғындарының көптеген өтініштеріне байланысты жәрмеңке 30 тамызға дейін ұзартылды, деп хабарлайды Нұр-Сұлтан әкімдігінің ресми сайты.
Түркістан облысының 70-тен астам ауыл шаруашылығы тауар өндірушілері Нұр-Сұлтанда 535 тонна өнімін, оның ішінде ет және ет өнімдері, көкөніс, картоп, сүт, нан өнімдері, жеміс-жидек және бақша дақылдары, бал, жеміс шырындары, консервілер, жұмыртқаны ұсынды. Мұның барлығын дәстүрлі түрде нарық бағасынан 15-20% төмен бағамен сатып алуға болады.
Жәрмеңке 29 тамызға дейін жалғасуы керек еді, бірақ қала тұрғындарының көптеген өтініштеріне байланысты шара тағы бір күнге 30 тамызға дейін ұзартылды (жәрмеңке дүйсенбі күні өтеді).
Жәрмеңке «Барыс Арена» мұз сарайының жанындағы аумақта өтуде.
Мұндай жәрмеңкелер бірнеше өзекті мәселелерді шешеді, атап айтқанда:
— өндірушілер мен сатып алушылар арасындағы делдалдарды алып тастау;
— тауар өндірушілердің өнімдеріне
қосымша нарықты қамтамасыз ету;
-делдалдарды алып тастау есебінен өнімнің бағасы төмендейді және халық үшін сапалы азық-түліктің қолжетімділігі қамтамасыз етіледі.
Келесі өнімді Жамбыл облысының кәсіпкерлері-3 және 4 қыркүйекте ұсынады.
