Таразда баспана кезегінде тұрған «өлі жандар» анықталды. Сыбайлас жемқорлыққа қарсы қызмет тексеріп, 12 жылдан бері қайтыс болған 257 адам пәтер кезегінде тұрғаны белгілі болды.
Сонымен қатар, мониторинг 2 мыңға жуық азаматтың некеде тұрғанын көрсетті. Сондай-ақ, 3 мыңнан астам жамбылдықтардың әртүрлі жылжымайтын мүліктері болса, 80-ге жуық адам облыста тіркелмеген, 17 адам басқа елдерде тұрады.
Анықталған адамдардың барлығы пәтер кезегінде мемлекеттік қызметкерлер, мүгедектігі бар жандар, жетім балалар және халықтың басқа да әлеуметтік осал топтарының өкілдері болды. Тексеру жалғасуда.
«Қазіргі уақытта әкімдіктерге мониторинг нәтижелері жолданды. Департаменттің араласуы нәтижесінде 1075 адам кезектен шығарылды. Қалған 4 650 — і бойынша оларды кезектен шығару бойынша, яғни Қазақстан Республикасының заңнамасы шеңберінде іс-шаралар жүргізілуде», — дейді Жамбыл облысы бойынша «Антикор» мекемесінің аға қызметкері Жәнібек Сұлтанов.
