Петропавл соты атасын ұлының кәмелетке толмаған балаларына ай сайын алимент төлеуге міндеттеді.
2021 жылғы 1 маусымдағы сот қаулысымен К.Т.Е.-дан К.А.Х-ның пайдасына айлық жалақысының және/немесе өзге де табысының 1/3 бөлігі мөлшерінде кәмелетке толмаған балаларға алимент өндірілгені хабарланды.
Бірақ азамат К.Т.Е өз міндеттерін орындамаған. Нәтижесінде 3,7 млн теңге қарыз пайда болды.
Ал «Неке (ерлі-зайыптылық) және отбасы туралы» Қазақстан Республикасы Кодексінің 152-бабына (Атасы мен әжесі немерелерді асырау жөніндегі міндеттері) сәйкес, көмекке мұқтаж кәмелетке толмаған немерелер өздерінің еңбекке қабілетті ата-аналарынан, еңбекке қабілетті туған кәмелетке толған бауырларынан және апа-сіңлілерінен асырау алу мүмкін болмаған жағдайда, сот тәртібімен атасы мен әжесінен алимент алуға құқылы.
«Өндіріп алушы борышкердің (атасының) әкесінен немерелерін асырауға алимент төлемдерін өндіріп алу туралы берген талап Петропавл қаласының 2022 жылғы 3 наурыздағы №2 сотының шешімімен қанағаттандырылды, соның негізінде 2022 жылғы 28 қарашада атқарушылық іс қозғалды», – делінген СҚО Прокуратурасының хабарламасында.
Қазір атасының зейнетақысынан ай сайын 10 айлық есептік көрсеткіш (30 630 теңге) көлемінде алимент алынады.
Бұл ретте бұл бағыттағы жұмыстар облыс прокуратурасының тұрақты бақылауында.
Статистикалық мәліметтерге сүйенсек, Солтүстік Қазақстан облысында алименттік төлемдерді тиісті түрде төлемейтін 101 адам бар. Олар бойынша жалпы қарыз 184,3 млн теңгені құрайды. Бұл ретте облыста 10,4 мың кәмелетке толмаған бала алимент алушы болып табылады.
