Бұл ретте БЖЗҚ-да да, басқарушы компанияларда да жыл қорытындысы бойынша теріс нақты кірістілік қалыптасты.
Зейнетақы активтерін басқаратын жеке компаниялар арасындағы ең жоғары көрсеткіші 2022 жылы 4,19%-ды құрады, деп хабарлайды БЖЗҚ баспасөз қызметі.
Басқарушы компаниялар бір жыл ішінде зейнетақы активтері бойынша табыстылықтың мынадай көрсеткіштеріне қол жеткізді:
• АО «Halyk Global Markets» – 4,19%;
• АО «Сентрас Секьюритиз» – 4,12%;
• АО «Jusan Invest» – 3,25%;
• АО «BCC Invest» – 2,75%.
2022 жылдың қараша айынан бастап нарықта бесінші инвестициялық портфельді басқарушы пайда болды – «Қазақстанның Halyk Finance ЕҰ Банкі» АҚ. Бұл компанияға берілген зейнетақы активтерінің кірістілігі жұмыс басталғалы 0,13 пайызды құрады.
БЖЗҚ зейнетақы активтерінің кірістілігі 2022 жылдың қорытындысы бойынша инфляция 20,3% болғанда 6,55%-ды құрады. Осылайша, БЖЗҚ да, басқарушы компаниялар да жыл соңында зейнетақы активтері бойынша теріс нақты кірістілікке ие болды.
Инвестициялық компаниялар басқаратын зейнетақы жинақтарының жалпы сомасы 9,36 млрд теңгені құрайды. Оның 4,19 млрд теңгесі «Jusan Invest» АҚ үлесіне тиесілі.
Зейнетақы жинақтарын ИПБ басқаруға беру кезінде мемлекеттің кепілдігі зейнетақы активтерінің кірістілігінің ең төменгі деңгейін қамтамасыз ету бойынша басқарушы компанияның кепілдігімен ауыстырылады. Пайдалылықтың ең төменгі деңгейі нарықта жұмыс істейтін ИПБ басқаруына берілген зейнетақы активтері бойынша орташа алынған кірістілік негізінде есептеледі.
