Түркістан облысында 10 тілді білетін, 68 мыңға жуық кітап оқыған жас жігіт тұрады.
Түлкібас ауданының тұрғыны Мейірхан Топанбай ауыл кітапханасында қызмет етеді. Мүмкіндігі шектеулі жандар туралы дәйексөздер жинағының авторы. 29 жастағы жігіттің өзі мүмкіндігі шектеулі жан.
Кітап оқуға деген сүйіспеншілік кез келген адамға өмірде өзін табуға көмектесетінін Мейірхан бала кезінде түсінген. Жас жігіт үнемі кітап оқитын. Екі жыл бұрын «Үздік оқырман» атағын алған. Ол 68 мыңға жуық кітап оқыған.
Достары Мейірхан Топанбайды «Полиглот, еңбекқор адам» дейді.
«Бір кездері мен қазіргідей қатты жұмыс істегім келмеді. Мүмкіндігі шектеулі жан үй шаруасымен айналыса алмайды, сол себепті үйде отыра алмадым. Сондықтан туыстарым маған қызықтың бәрі тек кітапта екенін үнемі айтып отыратын. 2021 жылы маған Түлкібас ауданы мен Шымкент қалалық жасөспірімдер кітапханасының қызметкерлері арнайы Алғыс хат табыс етті. Олар маған үздік оқырман атағын берді», — деп бөлісті Мейірхан.
Мейірхан 10 тілді жетік меңгерген. Жас жігіт еңбек пен кітап оқудың арқасында француз, неміс, грек, армян тілдерін меңгерген. Қазір ауылдық кітапхана қызметкері итальян тілін үйренумен белсенді айналысуда.
«Әр тілдің өз тарихы бар. Түрік, грек, қазақ және орыс тілдері — ана тілдері. Мен оларды ешқашан бөлген емеспін. Мен армян және грек тілінде сөйлеймін. Мектептен кейін неміс және француз тілдерін үйрендім. Содан университетке түскенде парсы, тәжік тілдерін үйрендім. Мен поляк және болгар тілдерінде сөйлесе аламын», – дейді Мейірхан.
Мейірхан бос уақытында аудармашылықпен айналысады – шетел авторларының шығармаларын қазақ тіліне аударады. Жақында Мейірхан мүмкіндігі шектеулі жандарды қолдау мақсатында дәйексөздер жинағын шығарды.
