Қазақстанда алғаш рет ақыл-ой кемістігі бар балалар санаторий-курорттық емделуге жіберіледі, деп хабарлады Еңбек және халықты әлеуметтік қорғау министрінің міндетін атқарушы Тамара Дүйсенова.
«Биыл ел бойынша 1000 бала пилоттық режимде жіберіледі. 1 шілдеден бастап басқа да жобаларды жүзеге асыру жоспарлануда», — деді Дүйсенова министрлер кабинетінің отырысында.
Мүгедектігі бар жандарды сапалы катетермен қамтамасыз ету үшін республикалық бюджеттен 328 миллион теңге қарастырылған. Жергілікті бюджет қаражаты есебінен берілетін жөргектердің нормативтері 2 есеге ұлғайтылатын болады.
«Пилоттық режимде жан басына шаққандағы стандартты енгізу және әлеуметтік қызмет көрсетуге жеке секторды тарту мәселесі қарастырылуда», — деді Еңбек министрлігінің басшысы.
Оның айтуынша, пилоттық жоба 7 өңірде жүзеге асырылады.
