5 мамыр – Халықаралық мүгедектігі бар жандар құқығын қорғау күні
Бүгін бүкіл әлемде сияқты Қазақстанда да Халықаралық мүгедектігі бар жандардың құқығы үшін күрес күні аталып өтілуде.
Бүгінгі күннің мақсаты – мүгедектігі бар жандардың құқықтарын қорғауға байланысты мәселелерге қоғамның назарын аудару, өйткені олардың еңбекке, қолжетімді білімге және инфрақұрылымға құқықтары экономикалық дамыған елдердің өзінде сақталмайтыны анық.
Ұлтына, дініне, мүліктік жағдайына, денсаулық жағдайына қарамастан, азаматтардың бірде-бір санаты биліктің назарынан тыс қалмауы тиіс.
Көптеген елдерде осы уақытқа дейін мүгедектігі бар жандардың мәселелері дені сау адамдарға да, билікке де ерекше әсер етпеген. Онда олар қозғалыста да, барлық басқа құқықтарда да айтарлықтай шектелген. Осы жағдайды түзету үшін 2006 жылы 13 желтоқсанда БҰҰ 21 ғасырдағы адам құқықтары туралы алғашқы толыққанды келісімдердің бірі – Мүгедектігі бар жандардың құқықтары туралы Конвенцияны қабылдады.
Оған 159 мемлекет қол қойған. Оның ішінде Қазақстан да бар.
Біздің әлемдегі өркениетті қоғамның деңгейі өз бетінше, оның ішінде әлеуметтік жағынан да өзін-өзі күте алмайтын адамдарға қоғамның қалай қарайтынына байланысты.
Теңдік – бұл, ең алдымен инклюзия, қолжетімді мектептер, дүкендер, кез келген мекемелер, жабдықталған ойын алаңдары, дұрыс пандустар және т.б.
Мүмкіндігі шектеулі жандардың абыройын қорғау арқылы біз адамдық бет-бейнемізді қорғаймыз. Мүгедектік — бұл үкім емес. Тәжірибе көрсеткендей, адамдар қоғамның толыққанды және жоғары тиімді мүшесі, керемет мамандар, саясаткерлер, экономисттер, көпшілікті шабыттандыратын әлеуметтік белсенділер бола алады.
Бүгінгі күн біздің бәріміз әртүрлі адамдар екенімізді, әркімнің өмірде өз қиындықтары болатынын еске салады, бірақ сонымен бірге бәріміз бірдей қамқорлыққа, достыққа, махаббат пен түсіністікке мұқтажбыз! Баршаңызға денсаулық тілейміз және қиындықтарды күліп жеңе білейік!
Құрметпен, Inva.kz ұжымы
