Астана қаласының жұмыспен қамту және халықты әлеуметтік қорғау Басқармасы осы қызметті бұрын алмағандар үшін «Семей ядролық сынақ полигонындағы ядролық сынақтардың салдарынан зардап шеккен азаматтарды есепке алу, біржолғы мемлекеттік ақшалай өтемақы төлеу, анықтамалар беру» мемлекеттік қызметін көрсету бойынша жұмыс жүргізуде.
Өтініштерді қабылдау және мемлекеттік қызметті көрсету нәтижесін беру:
1) көрсетілетін қызметті беруші;
2) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі – Мемлекеттік корпорация).
3)»Электрондық үкімет (бұдан әрі — ЭҮП)» порталы.
Тиісті радиациялық тәуекел аймақтарында тұру фактісі мен кезеңін растайтын құжаттар бұрын берілген куәлікпен қатар мыналар болып табылуы мүмкін:
1) мұрағаттық анықтамалар, халық депутаттары ауылдық, кенттік кеңестерінің, тұрғын үй-пайдалану бөлімдерінің, үй басқармаларының, кент, ауыл, ауылдық округ әкімдерінің, пәтер иелері кооперативтерінің анықтамалары;
2) еңбек кітапшасы;
3) оқу орнын бітіргені туралы диплом;
4) әскери билет;
5) туу туралы куәлік, орта білім туралы аттестат, негізгі мектепті бітіргені туралы куәлік.
Толығырақ кеңес алу үшін мына мекенжайға хабарласыңыз: Астана қаласы, Бейбітшілік көшесі 9, 107 және 109 бөлме. Байланыс телефондары: «Алматы» ауданы 8 (7172) 55-01-74, «Байқоңыр» ауданы 8(7172) 55-72-32, «Есіл» ауданы 8(7172) 55-74-50, «Сарыарқа» ауданы 8(7172) 55-14-87.
