ОрталықБҰҰ өкілі Қазақстанда балалардың дене жазасына тыйым салуды ұсынады коммуникациялар қызметінде өткен брифингте БҰҰ Балалар қорының Қазақстандағы өкілі Артур Ван Дизен Қазақстанға заңнамалық деңгейде балаларға дене жазалауына тыйым салуды ұсынды.
БҰҰ Балалар қорының өкілі атап өткендей, Қазақстан дұрыс жолда келе жатыр.
«Әлеуметтік нормаларды балалар арасында және оларға қарсы зорлық-зомбылықтың қаншалықты жойқын екендігіне байланысты өзгерту керек және бұл нормаларды отбасыларға хабарлау арқылы өзгерту керек: «Мені осылай тәрбиеледі, мен де өз баламды осылай өсіремін» деп ойлаудың қажеті жоқ. Баланы дауысын шығармай, қолын көтермей-ақ тәрбиелеуге болады, бұл үшін ата-аналарға осы ақпаратты жеткізетін тиімді коммуникация науқаны қажет. Заңнамалық деңгейде дене жазасына тыйым салу өте маңызды.» Артур Ван Дизен
Ол қазірдің өзінде әлемнің 65 елі өз заңдарында дене жазаларын қолдануға болмайтынын белгілегенін және тағы 27 елдің қосылатынын айтты.
«Бұл елдердің кейбірі, Қазақстанмен көршілес елдер. Сондықтан дене жазалауына отбасы ішінде де, одан тыс жерлерде де тыйым салу маңызды.» Артур Ван Дизен
Баяндамашы қоғамда азаматтардың бұл мәселеде – балаға зорлық-зомбылыққа жол бермеу және дене жазалауына жол бермеу туралы нық ұстанымын қалыптастыру керек деп есептейді.
Бұдан бұрын хабарлағанымыздай, Қазақстанда «Бала құқықтары туралы конвенцияға байланыс рәсіміне қатысты факультативтік хаттаманы ратификациялау туралы» заң жобасы әзірленген. Оны ратификациялағаннан кейін қазақстандық балалар құқықтарының бұзылуы туралы БҰҰ-ға шағым түсіре алады.
