Қазақстанның VI Паралимпиада ойындарында 9 рекорд тіркелді. Турнирге мыңнан астам спортшы қатысты.
Паралимпиадалық спорт түрлерінен ауқымды жарыс үш қалада: Алматы, Астана және Ақтөбеде өтті.
«Ең жас спортшының жасы небәрі 16-да, ал ең үлкені 78-де. Қатысушылар арасында Рио-2016 Паралимпиада ойындарының чемпионы Зульфия Ғабидуллина, пауэрлифтингтен Паралимпиада ойындарының чемпионы Давид Дегтярев сынды танымал спортшылар бар.
Сондай-ақ Токиодағы Паралимпиада ойындарының жеңімпаздары: Нұрдәулет Жұмағали мен Әнуар Сариев. Жарысқа пара дзюдодан әлем чемпиондары: Ерғали Шәмей, Ақмарал Науытбек қатысты», — деді «Мүмкіндігі шектеулі жандарды спорттық даярлау орталығының» директоры Мейрамбек Махамбетов турнирдің жұлдызды құрамы туралы.
Оның айтуынша, ауқымды ұлттық старт қорытындысы бойынша Ханчжоудағы Азия параойындары мен 2024 жылы Парижде өтетін жазғы Паралимпиада ойындарына қатысатын командалар жасақталады.
Жалпыкомандалық есепте Қазақстан Паралимпиада ойындарында 44 алтынмен Қарағанды облысының командасы жеңіске жетті. Одан кейін Атырау және Ақтөбе облыстарының командалары орналасты.
