Тамара Дүйсенова Премьер-Министрдің орынбасары болып тағайындалды және Еңбек және халықты әлеуметтік қорғау министрі қызметін де қоса алып жүреді, деп хабарлайды Ақорданың баспасөз қызметі.
«Мемлекет басшысының Жарлығымен Тамара Босымбекқызы Дүйсенова Қазақстан Республикасы Премьер-Министрінің орынбасары – Еңбек және халықты әлеуметтік қорғау министрі болып тағайындалды. Ол бұрынғы қызметінен босатылды», — делінген бейсенбі күні таратқан хабарламада.
Дүйсенова 2022 жылдың сәуір айынан бастап министр, 2020 жылдың мамыр айынан бастап президенттің көмекшісі – президент әкімшілігінен түскен өтініштердің қаралуын бақылау бөлімінің меңгерушісі, 2019 жылдың шілде айынан бастап «Еңбек ресурстарын дамыту орталығы» АҚ басқарды. Бір қызығы, Дүйсенова Еңбек министрлігін бірінші рет басқарып отырған жоқ – ол аталған департаментті 2017 жылдың қаңтарынан 2018 жылдың ақпанына дейін басқарған болатын.
Еске салайық бұған дейін Вице-Премьер қызметінде бес ай жұмыс істеген Астананың экс-әкімі Алтай Көлгінов қызметінен босатылған болатын. Президент Қасым-Жомарт Тоқаев елорда әкімі Жеңіс Қасымбектің Астанада соңғы уақытта жиі орын алып, астаналықтардың наразылығын туғызып отырған елорданы сумен қамту жағдайы туралы есебін тыңдағаннан кейін А.Көлгінов отставкаға кеткен болатын.
