Биыл Астанада мүгедектігі бар адамдарды тасымалдауды 113 көлік, оның 16-сы мамандандырылған көлік (инватакси) жүзеге асырады. Ай сайын мыңға жуық адамға оның ішінде 600-ден астам балаларға қызмет көрсетіледі.
Ерекше қажеттіліктері бар адамдарға инватакси қызметін көрсетуге мүгедектікті белгілеу кезеңіне берілген дәрігерлік-консультациялық комиссияның қорытындысы негіз болып табылады.
Астана қаласында мүгедектігі бар адамдарды (18 жастан асқан) тасымалдау бойынша қызметтерді келесі мекемелер жүзеге асырады:
— мүгедектігі бар адамдарға арналған арбада қозғалатын адамдар үшін – «Мүгедектік технологиясын зерттеудің инновациялық ғылыми-өндірістік орталығы» ЖШС. Ол Абылайхан, 43/1 мекенжайында орналасқан, диспетчер нөмірлері: 8-708-425-36-56, 25-36-56. Жеткізушінің 6 мамандандырылған көлігі бар, ай сайын 75-ке жуық адам осы мекеме қызметтерін пайдаланады;
— ДКК ұсыныстары бар, бірақ мүгедектігі бар адамдарға арналған арбаларды пайдаланбайтын мүгедектігі бар жандар үшін — «Астана қаласындағы мүгедектігі бар балалар қоғамы» ҚБ. Мекеме Сәтбаев 31 мекенжайы бойынша орналасқан, диспетчерлік нөмірлер: 8-702-893-80-53, 8-702-793-58-21. Жеткізушінің 16 автокөлігі және 1 мамандандырылған автокөлігі бар, ай сайын 150-ге жуық адам осы мекеме қызметтерін пайдаланады;
— көру қабілеті бұзылған адамдарға — «Қазақ соқырлар қоғамы» ҚБ. Мекеме Момышұлы 17А, 55 кабинетте орналасқан, диспетчерлік нөмірлер: 87710460211, 49-76-91. Мекеменің 19 автокөлігі бар, ай сайын 130-ға жуық адамға қызмет көрсетіледі.
Астана қаласының мүгедектігі бар балаларын (18 жасқа дейінгі) тасымалдау бойынша қызметтерді келесі мекемелер жүзеге асырады:
— кресло-арбада жүретін мүгедектігі бар балалар үшін – «Қазақстан Республикасының Ұлттық Паралимпиадалық Комитеті» қоғамдық бірлестігі Ақшоқы 2, диспетчер нөмірлері: 792700, 87012122115, 87769984839. Сегіз мамандандырылған көлік айына 80-ге жуық адамға қызмет көрсетеді.
— мүгедектігі бар балалар үшін – «Астана қаласындағы мүгедектігі бар балалар қоғамы» қоғамдық бірлестігі. Мекенжайы Айтоған 18, диспетчер нөмірлері: 498617, 87021798001, 87011323099. Жеткізушінің 61 автокөлігі және 1 мамандандырылған автокөлігі бар, ай сайын 600-ге жуық адамға қызмет көрсетіледі.
Күнделікті инватакси қызметін пайдалану үшін жоспарланған сапар күнінен бір күн бұрын жоғарыда аталған ұйымдардың телефон нөмірлеріне өтініш беру қажет.
