Церебральды сал ауруына шалдыққан кішкентай алматылықтар мегаполистің 12 медициналық мекемесінде оңалту курстарынан өте алады. Бқл қызметтер міндетті әлеуметтік медициналық сақтандыру аясында жүзеге асырылуда.
Жыл басынан бері 2700 адам оңалту емінен өтіп, оған 652 млн теңге жұмсалды. Басқа да диагноздары бар балалар да оңалтудан өтеді. Алматыда жыл басынан бері 4,5 мың мүгедектігі бар баланың денсаулығы қалпына келтірілді, бұған 900 миллион теңгеден астам қаржы жұмсалды.
Тілеухан Әбілдаев, Алматы қаласы бойынша ӘМСҚ филиалының директоры:
— Міндетті медициналық сақтандыру жүйесі енгізілгеннен кейін оңалтуды қаржыландыру шамамен 14 есеге өсті. Бұл оңалтудың әртүрлі түрлеріне қол жеткізуге мүмкіндік береді. Бүгінгі күні көптеген балаларды оңалту орталықтары бар, оның 43-і Алматы қаласында. Соның ішінде 12 мекеме церебральды сал ауруына шалдыққан балаларды медициналық оңалтуды қамтамасыз етеді.
