Әкімдік әр өңірден 5-6 шипажаймен келісімшарт жасасуды жоспарлап отыр.
Астана қаласының зейнеткерлеріне жылына бір рет курорттық емдеуді тегін ұсынуды жоспарлап отыр.
Жұмыспен қамту және әлеуметтік қорғау басқармасының басшысы Илья Скуб енді зейнеткерлер алатын зейнетақысына қарай жолдама құнының 15 немесе 25 пайызын төлеу керек екенін түсіндірді. Сонымен қатар жолдамалар тек «Қотыркөл» шипажайына ғана беріледі. Келесі жылдан бастап емделу мен демалыстың толық құнын субсидиялау ұсынылып отыр.
Байқау өткізіп, оның қорытындысы бойынша әр өңірден 5-6 шипажай таңдап, олармен келісімшарт жасау жоспарлануда, деді басқарма басшысы. Қонақ үшін төлем бірден шипажайға аударылады. Осылайша кезек жоқ, жоспарланған сапарға бір ай бұрын өзіңіз шипажайға қоңырау шалып, келетініңізді айтып орынға алуға жазылуыңыз керек.
Илья Скуб келесі жылы бұл бастаманы жүзеге асыру үшін шамамен 2,5 миллиард теңге қажет екенін атап өтті. Бұл ақша 30 мың адамның тегін демалуына жетеді. Сонымен қатар қазір Астанада 120 мың зейнеткер тұрады.
