Ақмола облысындағы «Алжир» мұражайында мүгедектігі бар азаматтарға арналған лифт құлап, екі адам зардап шеккен.
«16 шілде күні сағат 14.21-де Ақмол кентінде Линейная көшесінің бойында «АЛЖИР» мұражай-мемориалдық кешенінің бойында мүгедектігі бар азаматтарға арналған қызметтік лифт екінші қабаттың биіктігінен құлады. Ғимараттың өзі үш қабатты», — деп хабарлады Төтенше жағдайлар департаментінің баспасөз қызметі.
Оқиға салдарынан аяғы сынған екі адам Астана ауруханасына жатқызылды.
Полиция департаментінің баспасөз қызметі Астана қаласының 1940 жылы туған тұрғыны мен 1969 жылы туған Ақмол қаласының тұрғыны түрлі жарақаттармен ауруханаға жеткізілгенін хабарлады.
Ақпаратқа сәйкес оқиғаның мән-жайы анықталып жатыр, содан кейін процессуалдық шешім қабылданады.
