Тәрбиеші балаларға қақтан тазартатын дәрі ерітілген шәйнектен су берді. Бір бала ауруханаға өңеш пен асқазанның күйіп қалуымен ауруханаға түсті.
Зардап шеккен баланың анасы Алина Ливаншо оқиға 10 шілде күні кешке болғанын айтты.
«Ұлға хлорлы суды тәрбиешінің өзі – стақаннан берді. Айтуынша, сол кезде ол су деп ойлаған. Ұлымнан басқа тағы бір қыз уланған, бірақ оның жағдайы менің білуімше жақсы. Бұл болған кезде бізге ешкім хабарлаған жоқ: ата-аналар оқиға туралы кешке балабақшаға келгенде ғана білді », — деді Алина Ливаншо.
Ата-ана уланудан кейін Михайловский полиция бөлімі мен қалалық білім бөліміне жүгінгенін атап өтті.
Облыстық денсаулық сақтау басқармасы баланың көпсалалы облыстық балалар ауруханасына жатқызылғанын хабарлады. Қазір баланың жағдайы тұрақты, оны шығаруға дайындалып жатыр.
«10 шілде күні сағат 18:30 шамасында «Бәйтерек» бөбекжайында «Еркетай» тобының балалары су сұраған. Тәрбиеші топқа барып, шәйнектен су құйды, оған тәрбиешінің көмекшісі шәйнекті тазарту үшін бір таблетка деохлорды лақтырды. Тәрбиеші бұл туралы білмеді. Екі бала ерітіндіден бірнеше жұтым ішіп алды. 18.55-те медицина қызметкері жедел жәрдем шақырған», — делінген Қарағанды қалалық білім басқармасының хабарламасында.
Білім басқармасы 11 шілдеде барлық кінәлілер – медицина қызметкері, тәрбиеші, тәрбиешінің көмекшісі тәртіптік жауапкершілікке тартылғанын хабарлады.
